როგორც New Atlas და სხვა ბლოგები იტყობინებიან, დასავლეთ იაპონიის სარკინიგზო კომპანია, ასევე ცნობილი როგორც JR West, სარკინიგზო ელექტროგადამცემი ხაზების დისტანციურად შესაკეთებლად უზარმაზარი რობოტის გამოყენებას იწყებს, და რაც განსაკუთრებით შესანიშნავია – რობოტს მართავს რეალური ადამიანი, ვირტუალური რეალობის ჩაფხუტის დახმარებით.
გიგანტურ ტანზე დამაგრებულია ჰიდრავლიკური ამწე “კიდური”, რომლის ჰაერში აწევაც მას 10 მეტრის სიმაღლეზე შეუძლია. რობოტის თავი ოდნავ ჰგავს Pixar-ის პერსონაჟს “WALL-E” და მოძრაობს ზუსტად ისე, როგორც ადამიანი, რომელიც მას VR ჩაფხუტით მართავს და ეუბნება, რა, სად და როგორ გააკეთოს.